Google ADS

Nasim Haradinaj: Veprimi i Speciales, shantazh i Evropës ndaj Amerikës dhe Kosovës

19:53 | 24 Qershor 2020
L G

Nasim Haradinaj, nënkryetar i Organizatës së Veteranëve të Luftës së UÇK-së ka thënë se nuk ka qenë e papritur për të aktakuza e Speciales ndaj Thaçit e Veselit.

“Ne kemi thënë se çdo pjesëtarë i UÇK-së është target i Gjykatës Speciale, por si vendim politikë është i papritur për ne, pasi ky është veprim puro politikë se drejtësi”, tha ai,

“Ky veprim është shantazh i Evropës ndaj Amerikës dhe Kosovës. Kjo është goditje për bisedimet që do të mbahen ditën e shtunë. Qëllimi ka qenë që Kosova të shkojë me një krahë më pak dhe ekipi kosovar të shkojë i dëmtuar”, tha Haradinaj në RTV Dukagjini.

Nënkryetari i Organizatës së Veteranëve të Luftës së UÇK-së ka thënë se ky veprim i Speciales do të ketë ndikim në zhvillimet e ardhshme politike.

Haradinaj thotë se tash po del që Hashim Thaçi paska qenë pjesë e UÇK-së dhe madje kupola e saj.

“Ka pasur disa persona që e kanë vu në dyshim se Thaçi ishte pjesë e UÇK-së”, tha ndër të tjera Nasim Haradinaj

Shpërndaje në rrjete sociale

Lajmet më të lexuara

Të ngjashme

Foto lajm